Ada orang tetunggu-tunggu bulan yang suci ani…
Ada yang inda mau…pasal inda tahan puasa…(inda semestinya orang atu lampuh)…aku lampuh alhamdulillah tahan jua…haha…tapi 11 bulan yang selebihnya sadang-sadang tahan ganya inda makan pagi…hahaha
Tapikan pokoknya, Ramadhan adalah bulan dimana umat Islam berabut untuk dapatkan pahala yang jauh berlipat ganda…
Tapi dibulan ani jua selalunya usin tani berlipat ganda keluar…mungkin tekana besedakah menyungkaikan orang atau untuk persiapan Hari Raya…
Yang lebih menghairankan ada saja bah godaan yang menjelma…biasa ah mun bini-bini bepakaian seksi sadang-sadang saja ramainya tani teliat masa 11 bulan atu, tiba-tiba Ramadhan mcm berlipat ganda jumlahnya plang daripada selama 11 bulan atu, ani penantanganku plang ganya…andangnya cubaan kali bah ah…hahaha
Tapi mudah-mudahan jua Ramdhan kitani kali ani akan lebih diberkati lagi oleh Allah Subhanahu Wataa’la…Amin
Maritah kitani semua bedoa supaya Puasa dan Amal Ibadat kitani diterima dan mudah-mudahan jua diberkati serta melimpah ruah pahala yang DIA berikan kepada kitani semua…Amin Ya Rabbal Aalamin
Terlebih dahulu diucapkan Selamat Menyambut Bulan Ramadhan yang menjelang tiba pada 1hb atau 2hb September nanti…
Puasa jangan inda puasa…kalau kan sungkai jangan berlebihan…aisey…karang diri sama jua…tapi pokoknya utamakan barangan buatan orang Brunei kalau membali…membuat sendiri kah…hehe..
Senarai juadah yang selalu dihidangkan masa sungkai
1. Cucur Udang ( samada banyak udang atau rasa udang saja)
2. Kuih Renjis
3. Nasi Beriyani
4. Kuih Linggang
5. Popia
6. Martabak Ayam atau Daging yang pakai kulit popia
7. Apam
8. Putu Mayang (lagiku damit kugalar kutu mayang…haha)
9. Aing Puspa
10. Aing Tebu
11. Mee Goreng, Mee Tiaw, Mee Halus
12. Nasi Goreng
13. Maggi mun ngam bulan tua (menurut kalender Masihi) haha…
14. Kueh Malaya (atau Apam Balik)
15. Kueh-kueh melayu yang lain
16. Serta bermacam-macam juadah lagi
Jadinya buat pilihan yang bijak pilh satu atau dua juadah lah kalau boleh sehari…Ini hanya pesanan bukan paksaan…mun kan membali banyak agatah pulang, jangan saja “over budget” karang payah mengambil pakaian hari raya…hehehe…
Ok lah… Assalamualaikum…